- 192 -

1353. Jan. 31. o. O.

Herzog Wenzel ertheilt der Stadt Liegnitz Verordnungen iiber die Wahl der Schöppen, der Rathmannen, der Geschwornen aus den Gewerben, und über deren Rechte.

In nomine domini amen. Clemencie principum interest, suorum fidelium commoda et jura tam graciose confirmando prospicere, quod in hoc fidele subsidium senciant et solamen; hinc est, quod nos Wenceslaus dei gracia dux Slesie primus et dominus Legnicensis ad vniuersorum, tam presencium quam futurorum, communem huius scripti testimonio deuenire volumus nocionem, quod ex animo deliberato et consilio nostrorum fidelium prehabito diligenti, attendentes et fideliter perpendentes fructus, utilitates, comoda, jura et honores nostre ciuitatis Legnicz et omnium inhabitancium, ad instancias et peticiones nostrorum fidelium ciuium ibidem ex nostri principatus gracia speciali et nomine omnium nostrorum successorum, dedimus, donamus et perpetue confirmamus ipsis nostris consulibus Legnicensibus, presentibus et futuris hanc graciam dignitatem perpetuam et honorem specialiter, quod singulis annis in die cinerum, iuxta fidem suam et discrecionem a domino deo ipsis traditam, eligere possunt et debent alios consules pro anno tum sequenti consilio presidentes et eciam scabinos perpetuis temporibus absque inpedimento nostro et omnium nostrorum successorum ac quarumlibet personarum, cuiuscunque fuerint dignitatis debent eciam nominatim per ipsos elegi sex persone, quarum tres esse debent ex numero seniorum seu mercatorum, alie vero tres persone debent elegi de operarijs vel mechanicis secundum dignitatem personarum et horum, qui digni, validi et discreti pro consilio possunt estimari. Ipsique consules noui tunc electi et eciam scabini antiquis consulibus juramenta prestant more solito et consweto, sed noni consules juratos eligere debent secundum prehabitam et antiquam consuetudinem ciuitatis. Committimus eciam. nunc et in futurum ipsis consulibus presentibus et luturis et damus plenam et omnem potestatem de omnibus statutis, utilitatibus, juribus. judicijs, empciopibus et vendicionibus ipsius ciuitatis Legnicz disponendi, mandandi, statuendi et. ut melius possunt, ordinandi, defectus eciam, crimina et errores in hijs, qui ipsorum mandatorum seu statutornm transgressores fuerint, compescendi, prout ordo et necessitas Magdeburgensis iuris et ciuitatis iura postulant et requirunt. Et specialiter, si que partes, congregaciones alia ciuitati nostre et populo nostro dispendia seu pericula generancia per nonnullos, ausu temerario, qualicumque modo fierent, ad corrigendum et in integrum compescendum iuxta talia demerita, in dictos nostros consules plenam transferrimus potestatem. Promittimus insuper ipsis nostris consulibus et omnibus ipsorum in eadem dignitate successoribus fideliter omni sine dolo et sub nostra bona fide, quod ipsos circa omnia premissa et pretacta cum diligencia volumus dimittere et totis nostris viribus gratanter conseruare temporibus perpetuis et in ewm per nos eciam et per nostros successores nullatenus debent in omnibus preordinatis et pretactis inpediri. Adicientes specialiter, quod si aliquis personarum, cuiuscumque fuerit status aut condicionis aliquem vel aliquos de nostris ciuibus placitis aliquibus inpetere vellet vel per modum iuris inpungnare illis, iudex hereditarius Legnicensis et non alter iudex esse debet, quantum ad iusticiam copiosus. Si vero aliquis per tractum curie, ut conswetum est, se in curiam principis transferret, ex tunc utrique parti non extra metas ciuitatis vel castri Legnicensis terminus placitandi debet assignari et scabini ciuitatis huiusmodi tractui curie debent interesse et dare iura et sentencias secundum iusticiam et modum ciuitatis. In quorum omnium memoriam et certitudinem firmiorem ipsis presentem dedimus litteram nostri maioris sigilli munimine roboratam. Datum feria secunda proxima ante festum purificacionis beate Marie virginis, anno domini millesimo tricentesimo quinquagesimo tertio, presentibus nostris fidelibus Heinrico de Landiskrona, Gawino Abscacz, Hartungo de Sulcz militibus, Friczkone de Landiskrona, Petro Schirmer, Steffano Trachen et Sydlone de Brokotindorff nostre curie notario, qui presencia habuit in commisso.

Bitschens Privilegb. f. XXXII. — Am 24. Februar erhielt die Stadt Hainau dasselbe Privilegium bis zu dem Zusatze: Adicientes specialiter, der nur eine Bestätigung des der Stadt Liegnitz von Herzog Boleslaus III. am 21. Mai 1326 ertheilten Vorrechtes enthält, cf. No. 78. und Tzschoppe u. Stenzel, Urkundb. S. 570.

Urkunden-Buch der Stadt Liegnitz und ihres Weichbildes bis zum Jahre 1455 - Herausgegeben dr Friedrich Wilhelm Schirrmacher - Liegnitz 1866